ერთად საერთო რეალობაში – აქტივობები

30 აპრილს ახალგაზრდული ცენტრის წევრებმა თავიანთი დაგეგმილი აქცია განახორციელეს ქ. გარდაბანში.
აქცია დაიწყო გარდაბნის №3 საჯარო სკოლიდან. პროექტში მონაწილე მოსწავლეებს ხალისით შეუერთდნენ თანატოლები და სკოლის ეზოში მოსწავლეებმა საკუთარი ხელით 40-მდე ხე დარგეს.
ამის შემდეგ აქციამ გარდაბნის №1 საჯარო სკოლასა და მიმდებარე ტერიტორიის მოსახლეობის ეზოებში გადაინაცვლა. მოსახლეობა ინტერესით და მხარდაჭერით შეხვდა ახალგაზრდების ინიციატივას და თავიანთი სურვილით ჩაერთო აქციაში.
აქცია გაგრძელდა დევნილების კომპაქტური ჩასახლების კორპუსებსა და საგანმანათლებლო რესურს ცენტრის ეზოში და დასრულდა გარდაბნის №4 საჯარო სკოლაში.
მთლიანობაში, დაგეგმილი 100 ნერგის ნაცვლად გარდაბნის სხვადა სხვა ადგილზე დაირგო 200-ზე მეტი წიწვოვანი და ფოთლოვანი ხე.